A edición dixital de La Voz de Galicia acompañaba no día de onte a información sobre a situación do tráfico na comunidade cun mapa no que se poden observar a estradas galegas afectadas pola vaga de frío e os sucesos ocorridos en cada unha delas.
Este é un exemplo do uso das ferramentas que ofrece Internet para informar á cidadanía. Neste infográfico La Voz optou por utilizar a ferramenta Google Maps para ofrecer ós seus usuarios unha información que doutro xeito sería moito máis difícil de transmitir.
O mapa pode interpretarse e manexarse de dous xeitos
- Pódese acceder directamente dende o mapa ós diferentes puntos das estradas (sinalizados con folerpas) para obter unha información do ocorrido.
- A outra opción é ver o listado de estradas afectadas para, pinchando en cada unha delas, ver no mapa a súa localización.
Esta foi a posta de La Voz de Galicia para informar sobre as estradas e o mal tempo. É un infográfico sinxelo e fácil de utilizar que, porén, pode non ofrecer tódolos datos necesarios. A información veríase reforzada con pequenos detalles como o kilómetro exacto no que houbo incendencias ou unha mellor delimitación das estradas e os puntos kilométricos. Ante isto, déixovos algunhas propostas para debatir:
¿Qué debe primar, a rapidez de ferramentas web como Google Maps ou unha maior información que vaia en perxuízo da inmediatez? ¿Parécevos acertada a proposta de La Voz de Galicia? ¿Qué cambiariades?
Un saúdo
Elena
Xaneiro 10, 2009 at 5:49 pm
Está claro que Google Maps facilitoulle a vida ós xornalistas. Entre isto, Youtube e un par de ferramentas máis de Internet parece que teñamos o traballo feito.
Personalmente, non optaría por unha infografía deste estilo. Si que dá información pero non sei ata qué punto aporta veracidade ó incluíla no xornal.
Unha aperta
Xaneiro 10, 2009 at 5:51 pm
Por certo, esquecinme de dicir que me parece un acerto que vos teñades fixado nestas informacións, posto que o mundo -tanto informativo como social- quedou paralizado pola neve.
Saúdos
Xaneiro 12, 2009 at 10:18 pm
Ola Elena! Pois a verdade é que, respondendo a unha das túas preguntas, eu vexo moi acertada o uso desta ferramenta. A posibilidade que se nos ofrece de profundizar máis ou menos nas estradas, seleccionando cada un de nós a que teñamos que usar para ver como esta o seu estado… dende logo non é algo que se poida ofrecer de moitas outras maneiras ca do que se fixo no caso que vós mencionades (La Voz). Paréceme moi acertada a combinación de información importante para o cidadán con este tipo de ferramentas (segundo creo isto según Manuel Gago é un mash-up, unha combinación de tecnoloxías que cada vez prolifera máis).
Por outra banda, en resposta a outra das túas cuestións, eu penso que isto foi moito máis adecuado por parte do xornal que poñerse a redactar unha información ou facer unha táboa co nome da estrada e a súa situación. Non creo tampouco que esta calidade que parece ter o mapa vai tan en contra da inmediatez (supoño que estaría listo nas horas seguintes… a inmediatez ségueo sendo).
Finalmente, só dicir que este tipo de apostas son frecuentes en La Voz (o caso típico que estou recordando agora é o que fai cos accidentes de tráfico, no que un pica no icono do coche na estrada corresponden e aparece un breve resumo do que sucedeu).
Un saúdo e noraboa polo tema
Xaneiro 21, 2009 at 12:31 pm
Dacordo. Moita confluencia de tecnoloxías ou de ferramentas ou de aplicacións híbridas que non está mal, coas que se consigue transmitir información a distintos niveis e unha navegación máis completa por eses contidos. Pero ao final pasamos do monopolio de microsoft ao monopolio de google. Ao mellor os xornais deberían buscar os seus propios modelos e instrumentos para facilitar unha información axeitada e clara aos usuarios. A remezcla de tecnoloxías é un xeito de avance e de evolución pero tamén habería que buscar outras opcións.
Xaneiro 22, 2009 at 6:23 pm
Fáltame o voso traballo-debate. Pidovos que me entreguedes unha copia do mesmo. O prazo é o mesmo que para os infográficos. gracias.
Lembrade tamén que a entrega dos traballos infográficos remata o vindeiro venres, día 30
Xaneiro 22, 2009 at 8:58 pm
Penso que o resultado do infográfico non foi todo o bo que debería. Está ben que se utilicen as ferramentas que ofrece a web para mellorar a oferta multimedia dos xornais, pero de tódolos xeitos, se se usan, debe facerse ben.
De tódolos xeitos, sigo pensando que é moi positivo que se empece a aproveitar as posibilidades da web.
Un saúdo